Isa si Vice President Sara Duterte sa mga opisyal nga nagkondena sa iya ginpahayag “gross abuse of power” kasunod sang pagsulod sang linibo ka kapulisan sa compound sang Kingdom of Jesus Christ (KOJC) sa Davao City agud pangitaon ang self-proclaimed Appointed Son of God kag subong pugante nga pastor nga si Apollo Quiboloy.
Sa statement sang bise-presidente nga gin-post sa iya social media accounts Domingo sang aga, ginsiling sini nga indi lamang paglapas sa kinamatarong ang ginhimo sang Philippine National Police (PNP) kundi isa ka pag-traidor sa pagsalig sang mga Pilipino nga ginhatag para sa institusyon nga amo kuntani ang maga-proteher sa ila.
“I vehemently condemn the gross abuse of police power in the takeover of the KOJC compound, which led to the harassment of religious worshipers, the abuse of minors, and the unnecessary loss of life,” pahayag sini.
“These acts are not only a blatant violation of Constitutionally-protected rights but a betrayal of the trust that we, Filipinos, place in the very institution sworn to protect and serve us,” dugang ni Duterte.
Sunod man nga ginplastar ni Sara kun ang lihok bala sang pulis ang naangot sa pulitika bangud kaalyado sang mga Duterte si Quiboloy.
“Hindi ko rin maiwasang matanong sa sarili kung ang paggamit ba ng di pangkaraniwang pwersa at di makatarungang pang-aabuso sa ordinaryong Pilipino, upang maipatupad ang naturang warrant of arrest, ay dahil sa ang akusado ay isang kilalang Duterte-supporter.”
Nangin highlight sang statement ni Sara ang pagpangayo sang pasaylo sa mga miyembro sang KOJC nga sang una ginhingyo niya nga magboto sa iya ka-tandem sa 2022 elections nga si President Ferdinand Marcos, Jr.
“Kaya nais ko ring humingi ng kapatawaran sa lahat ng miyembro, deboto at bumubuo ng Kingdom of Jesus Christ, sa paghikayat at pakiusap ko sa inyong iboto si Bongbong Marcos Jr. noong 2022. Nawa’y mapatawad ninyo ako,” pahayag pa sini. “You deserve better. Filipinos deserve better.”
Sa separado nga statement, nauna na ang amay ni Sara nga si anay Presidente Rodrigo Duterte sa pagkondena sa ginhimo sang PNP: “We sympathize with the members of the KOJC for having become victims of political harassment, persecution, violence, and abuse of authority. This certainly puts a dark stain on the hands of those involved in today’s incident, led by no less than the top police official of the region… Our country has never been in a more tragic state as it is today. Rights have been trampled upon and our laws derided.”
Pasado ‘alas singko sang kaagahon sang Sabado, Agusto 24, sang ginsulod sang 2,000 ka police personnel ang KOJC compound. As of press time, wala pa nakit-an si Quiboloy kag padayon pa ang operasyon.#
