Gin-anunsyo na sang 37th Aliw Awards ang listahan sang mga artists nga nominado sa nagkalain-lain nga mga kategorya sang live events kaangay sang concerts, theater plays and productions, recording kag iban pa.
May yara sang 50 ka mga categories kun sa diin pila sa mga nominado amo ang grupo nga BINI, amo man sanday Sarah Geronimo, Regine Velasquez-Alcasid, Ogie Alcasid, Martin Nievera kag Karylle.
Para sa Best Major Concert- Female category, ang pila ka mga nominado amo sanday Regine Velasquez-Alcasid para sa “Regine Rocks”; Cecile Azarcon para sa “The Music of Cecile Azarcon”;Kitchie Nadal para sa “20th”; Lea Salonga para sa “Stage, Screen and Everything in Between” ; kag popstar royalty Sarah Geronimo.
Para naman sa Best Major Concert-Male Category, nominado sanday Martin Nievera para sa “The King 4Ever”; Darren Espanto para sa “Darren D10 Concert”; Mark Bautista para sa “Mark My Dreams”; Dingdong Avanzado para sa “The Original Prince of Pinoy Pop”; kag Raymond Lauchengco para sa “Just Got Lucky”.
Ang theater powerhouse nga si Lea Salonga ang maga-compete kontra kay Dolly de Leon para sa Best Lead Actress in a Play.
Kalakip man sa sini nga category amo si Iza Calzado para sa “Tiny Beautiful Things.”
Ang awarding ceremonies patigayunon sa December 18, 2024 sa Manila.
