Heads up, Popsters and A’tins!
Magaupdanay ang Kings of P-pop nga SB19 kag ang Popstar royalty nga si Sarah Geronimo sa isa ka proyekto!
Sa isa ka joint social media post, ginpakita nanday Sarah kag SB19 ang video kun sa diin magkaupod sila sa recording studio kag may caption nga “#SarahGxSB19 soon.”
Sang nagligad nga tuig, nag-collaborate man sila sa “Ace Your World” nga gin-perform sa Mall of Asia Arena sa Pasay City para sa anniversary celebration sang isa ka tech company.
Sang nagligad nga Agusto, may single nga ginpaguwa ang SB19 nga “Kalakal” nga naga-feature sa rapper nga si Gloc-9.
Ini nga grupo nga ginabug-usan nanday Pablo, Josh, Stell, Ken, kag Justin ang nakabaton man sang award halin sa Billboard Korea’s Billboard K Power 100 kaupod ang OPM girl group nga BINI.
Si Sarah naman amo ang una nga Pinay nga nakabaton sang Billboard Global Force Award subong nga tuig sa Los Angeles, California, USA.#
