MANILA – Malip-ot apang sweet nga birthday greeting ang gin-post sang singer nga si Sarah Geronimo kadungan sang kaadlawan sang iya amay nga si Delfin.
Sa Instagram, isa ka throwback photo ang gin-post ni Sarah kun sa diin magka-upod sila sang iya amay nga nagakanta kadungan sang iya concert sang 2016.
Sa caption, nakasaad ang mga tinaga nga “Ang aking habambuhay. Maligayang kaarawan po tatay Delfin ko.”
Ini ang labing una nga tion nga nag-post si Sarah tuhoy sa iya pamilya pagkatapos sang kontrobersiyal nga pagpakasal kay Matteo Guidicelli sang Pebrero 20.
Tubtub sa subong, wala pa sang report tuhoy sa reconciliation sa tunga sang 32 anyos nga singer kag sang iya mga ginikanan.
