Ginpasa na sa Iloilo City Council ang resolusyon nga ginaduso ni Councilor Lyndon Acap nga naga-apelar kay ICPO Director Col. Kim Legada nga magpatindog sang satellite office sang ICPS 6 sa Arevalo Plaza.
Ginpahayag ni Acap nga nangin kabakod sang iya resolusyon ang kabudlayan sa pagresponde sang mga kapulisan sa plaza area matapos nga ginbalhin ang Arevalo Police Station halin sa Brgy. Sta. Filomena padulong sa C1 Road, Brgy. Sooc, Arevalo.
Suno sa konsehal, kinahanglan nga may presensya gihapon sang kapulisan sa mismo nga sentro sang distrito agud masiguro ang seguridad kag kalinong sa mga pumuluyo, negosyo, kag mga pasilidad nga ara sa palibot sang plaza.
Ginalauman nga pagatagan sang aksyon sang ICPO ang nasambit nga resolusyon sa pinakamadali nga panahon.
