Dako nga palas-anon sa mga pamatan-on ang panahon sang pandemya bangud indi sila makalagaw, indi makapakigkita sa ila mga abyan kag indi makakadto sa eskwelahan.
Sa interview sang Bombo Radyo kay Dra. Linda Mae Chin-Balajadia, adolescent medicine specialist, iya iya ginpahayag nga may yara sang sang negatibo nga epekto ang panibag-o nga pamaagi sang pagpangabuhi subong sa tunga sang pandemya bangud wala sang pautwasan ang mga kabataan nga mahimo magtuga sang paglala sang ila nga mental health.
Kun kaisa, ini ang magresulta sa kadulaan sang paglaom kag pagdumdom sang pag-utas sang kabuhi.
Subong nga bulan sang Septyembre, ginaselebrar ang “Suicide Prevention month” kag dako ang katungdanan sang mga ginikanan kag mangin sang mga doctor nga lab-uton ang mga pamatan-on.
Suno kay Dra. Balajadia, ‘pag-istorya’ ang isa sa mga pamaagi agud nga mahagan-hagan ang ginabatyag sang isa ka teenager.
Dapat hatagan ang kabataan sang environment sa diin mabatyagan sini nga komportable siya sa pagpabutyag sang iya ginabatyag.
Panugyan sang natungdan sa mga ginikanan, kun ma-obserbahan ang kabataan nga may yara sang nagbag-o sa iya ukon masami ini nga naga-isahanon kag nasubu-an , indi gid maghuya-huya nga magpalapit sa doctor.
