ILOILO – Mapilitan si SB Member Dennis Valencia sang Tigabauan, Iloilo nga magpapili sa pagka presidente sang Philippine Councilors League-Iloilo Chapter kun wala sang may manindog nga magkontra kay SB Member Ramon Sullano.
Sa interview sang Bombo Radyo kay Valencia, iya ginpahayag nga luyag niya nga ipakigbahin sa kasubong niya nga mga SB Member ang iya ikasarang sa panghimanwa.
Bilang anay Board Member kag madugay naman sa pulitika, ginpahayag ni Valencia nga iya gid nga nahangpan ang katungdanan sang isa ka public servant.
Ginpahayag ni Valencia nga kun magpapili sa liwat si anay PCL-Iloilo Chapter President Licurgo “Curging” Tirador sang Pototan, Iloilo ukon sin-o man nga may yara sang ikasarang sa pagpamuno, handa siya nga magpaiway.
Ang iya katuyu-an sa pagpapili suno sa natungdan amo nga ipahangop sa iya kaupdanan nga ang pagpaili sa pagka presidente sang Philippine Councilors League-Iloilo Chapter ang bukas para sa tanan nga Sanguniang Bayan Member.
Santo naman sa mga impormayson, nagpabutyag na sadto si Tirador nga indi na magpapili sa nasambit nga posisyon bangud sa iya katigulangon.
