Ginpasigurado sang Local Government Unit (LGU) sang banwa sang Miagao, Iloilo nga mahatagan sang igtalupangod ang na-eksperyensya sang indibidwal nga may dala nga pasyente gamit ang tricycle halin sa banwa pakadto sa syudad sang Iloilo nga ginpahayag, ginbalibaran nga mag-gamit sang ambulansya apisar nga naka oxygen.
Sa interview sang Bombo Radyo kay Miagao Sangguniang Bayan Member Richard Esposo, iya ginpahayag nga nagaplano siya nga himuan sang ordinansa nga nagalibre sa pag-transport sang tanan nga mga emergency vehicle sa mga pasyente padulong sa ospital sa syudad.
Suno kay Esposo, naghingyo na ini sa munisipyo agud nga magbalay sang tikang agud nga masolusyonan kag makabutang sang standby nga municipal vehicle with train personnel nga magagiya sa pasyente.
Mapatawag naman sang committee hearing ang banwa agud nga pungko-an kag hatagan solusyon ang nasambit nga problema.
Gin-ako man sini nga indi lamang ang amo nga insidente makaisa ka bes nga natabo, bangud masami man nga ma-ekspeyensyahan sang mga pasyente nga nagahalin sa probinsya.
