Ginbawian sang kabuhi ang isa ka Sangguniang Bayan Member sa Bangsamoro Special Geographic Area (SGA) matapos gintiro sang riding-in-tandem suspects sa Barangay Salunayan, Midsayap, Cotabato.
Ang biktima amo si Nasser Alipolo Dalandang, 37-anyos, municipal councilor sang Kadayangan nga isa sa walo ka bag-o natukod nga banwa sa Bangsamoro SGA.
Suno sa imbestigasyon, yara si Dalandang sa sulod sang iya salakyan nga naga-park sa kilid sang highway sang ginpalapitan sang armado nga mga lalaki kag gintiro ini.
Madasig naman nga nalagyo ang mga suspek matapos ang krimen.
Gindala sa ospital ang biktima apang wala na natabangan pa.
Isa sa ginalantaw nga motibo amo ang iya pagka-elected official.
Ginapatihan nga mga residente man sang Kadayangan ang mga suspek.
 matapos gintiro sang riding-in-tandem.){kind=link}