ILOILO – Magapadalagan si Sangguniang Bayan Member Isabelo Acollador sang New Lucena, Iloilo sa pagka presidente sang Philippine Councilors League-Iloilo Chapter.
Sa interview sang Bombo Radyo kay SB Member Acollador, iya ginpahayag nga nagapati siya ngakwalipikado ini bilang Presidente sang PCL-Iloilo bangud nangin kabahin siya sang madugay nga tion bilang Board of Director sa Philippine Councilors League-Iloilo Chapter.
Suno kay Acollador, ang iya lamang nga ginapanindugan ang kawsa sang konsehal kag wala siya nagasalig sa iban man nga pulitiko kaangay sang alkalde ukon gobernador.
Dugang pa sang natungdan, ginatahod niya kag ginadayaw si Iloilo Gov. ARthur Toto Defensor Jr. bangud nagpalab-ot ini nga indi siya magpasilabot sa eleksyon sang Philippine Councilors League-Iloilo Chapter.
Nakahibalo man si Acollador nga may mga SB Member nga nakakita man sang iya hinimuan.
Nahibaluan nga nagpalab-ot man sang katuyuan nga magpadalagan bilang presidente sang Philippine Councilors League-Iloilo Chapter sanday SB Member Ramon Sullano sang Sta. Barbara kag SB Member Dennis Valencia sang Tigabauan, Iloilo.
