Pilason ang Sangguniang Bayan Member sang Bangsamoro Autonomous Region in Muslim Mindanao (BARMM) kag ang iya bana nga anay suldado matapos gin-ambush sa Midsayap, North Cotabato.
Duwa naman ang patay matapos nadalahig lang kag naigo sang bala.
Ang mga napatay amo sanday Udin Dalgan, 31-anyos, residente sang Sultan Kudarat, Maguindanao del Norte, kag Rahib Wahab, 35-anyos, tricycle driver kag residente sang Barangay Sambulawan, Kadayangan.
Ang mga pilason amo sanday Kadayangan Municipal Councilor Saida Endaila kag bana nga si Madron Endaila Jr., 48, kag isa pa ka biktima nga si Lani Yusop, 20.
Base sa imbestigasyon, sakay ang mga biktima sa isa ka Toyota Fortuner nga ginamaneho ni Yusop sang ginpaarakan luthang sa national highway sa Barangay Salunayan, Midsayap.
Dead on arrival sa ospital si Dalgan.
Natabuan naman nga yara sa lugar sakay sa iya tricycle si Wahab kag naigo sang nagtalang nga bala.
Ginpahayag nga away sa pamilya ang posible nga motibo sa pag-ambush.
Madasig nga nalagyo ang mga gunmen.
Padayon pa ang imbestigasyon kag pag-ayam sa mga suspek.
 kag ang iya bana nga anay suldado.){kind=link}