Mabudlay sa gihapon para kay Sangguniang Bayan (SB) Member SB Member Larry Labuson sang Leganes, Iloilo nga batunon ang natabo nga pagluthang-patay sa iya anak.
Ini apisar nga ginpasakaan na sang kaso nga murder ang suspek nga nagluthang- patay sa biktima nga si Carl Dominic Labuson, 19, residente sang Leganes, Iloilo sang Abril 3 sa Metropolis Avenue, Jaro, Iloilo City.
Sa interview sang Bombo Radyo kay Leganes SB Member Larry Labuson, amay sang biktima, iya ginpahayag nga samtang wala pa maaresto ang suspek, indi sa gihapon siya mahim-os.
Suno kay Labuson, ginasalig na niya ang kaso sang iya anak sa mga pulis sa diin wala siya nagakadulaan sang paglaom nga maangkon sang ila pamilya ang nagakaigo nga hustisya.
Gin-ako sang amay nga sa subong, preska sa gihapon para sa ila ang nadangatan sang iya 19 anyos nga anak.
Apang sa pihak sini, nagapasalamat man ang SB member nga nagahulag na ang nasambit nga anak.
