Nagpasaka sang kaso si Buenavista, Guimaras Sanguniang Bayan Member Vicent De Asis sa Office of the Ombudsman batok sa ila alkalde nga si Mayor Samuel Gumarin.
Sa interview sang Bombo Radyo kay SB Member De Asis, iya ginpahayag nga dapat masabat sang Local Government Unit (LGU) sang Buenavista ang pagbakal sang 2nd hand water tanker truck nga nagabalor sang P2.5 million apisar nga wala na sang El Niño.
Suno kay De Asis, wala na sang rason kontani agud nga magkuha sang dugang nga water tanker bangud nga may yara naman sang water tanker ang ila nga banwa.
Nagapati man si De Asis nga may kakulangan ang pagdumala sang alkalde bangud wala ini nag-agi na insakto nga proseso ilabi na ang paggamit sang calamity fund.
Lakip sa ginpasakaan sang natungdan sang kaso nga Grave Abuse of Authority, Grave Misconduct kag Conduct Prejudicial to the Best Interest in the Service amo sanday:
Vice Mayor Cyril Beltran
SB Arthur Cartel Jr.
SB Valentine Talabero
SB Edgar Gallo
SB Rubin Magno
SB Rex Fernandez
ABC President Rommel Infante
SK Federation President Dave Van Bartolome
