Pat-od nga maga-selebrar gid ang P-pop fans sa 2024 Awit Awards bangud nagapanguna sa nominasyon ang SB19 kag ang BINI!
12 ang nominasyon para sa Filipino boy band samtang pito naman para sa nation’s girl group.
Ang “Pagtatag!” ang na-nominate para sa Album of the Year samtang ang hit single naman sang SB19 nga “GENTO” ang nakalinya sa posible nga makabulsa sang anum ka awards lakip ang Record of the Year, Song of the Year, kag Best Performance by a Group.
Nominated man ang boy band sa Best Dance/Electronic Recording, Best Ballad Recording, Best Pop Recording, Best Music Video, kag Best Engineered Recording nga pagpakita sang wide-ranging impact sini sa local music scene.
Sa pihak nga bahin, standout man sa awards subong nga tuig ang BINI nga yara man ang pangalan sa nagkalain-lain nga kategorya kaangay sang Record of the Year sa track nga “Pantropiko” amo man ang Song of the Year.
Nominated man ini sa Best Performance by a Group, Best Inspirational Recording, Best Pop Recording, Best Music Video, kag Best Engineered Recording.
Ang eligible entries para sa 37th Awit Awards amo ang mga kanta, mga album, kag iban pa nga music-related performances nga napaguwa sa tunga sang Enero 1 kag Disyembre 31, 2023.
