Gindayaw sa senado ang Filipino boy group nga SB19 kahapon nga adlaw, Setyembre 28.
Kasunod ini sang pagrepresentar sang grupo sa Lollapalooza Music Festival sang Hulyo 30 sa Chicago, USA.
Bangud man sang ila outstanding achievements kag nangin kontribusyon sa creative industry sang pungsod pinaagi sa ila nga mga kanta nga nagaselebrar sang Filipino identity, ginpasidunggan ang SB19 paagi man sa Senate Resolution No. 545 nga ginfile ni Sen. Bam Aquino.
Ang SB19 ang ginalakipan sang mga performers nga sanday Pablo, Josh, Stell, Ken, kag Justin, nga nagpauso sang kanta nga Gento, MAPA, kag Go Up.
