Nanghakot sang awards ang P-pop group nga SB19 sa 14th and 15th Philippine Movie Press Club’s Star Awards for Music.
Sanday Pablo, Stell, Felip, Ken, Justin, kag Josh Cullen sang SB19 ang nagbulsa sang 14th Star Awards for Music Song of the Year sa kanta nga “Mapa” halin sa album nga “Pagsibol.”
Nakuha man sang grupo ang Duo/Group Artist of the Year, Pop Album of the Year, Dance Recording of the Year, Duo/Group Concert of the Year, kag Music Video of the Year.
Magluwas sa 14th Star Awards for Music, nakuha man sang P-pop group ang Music Video of the Year sa “WYAT (Where You At)” sa 15th Star Awards for Music.
Sa 14th kag 15th editions, ang veteran singers kag OPM Icons nga sanday Hajji Alejandro kag Vernie Varga ang ginhatagan sang Pilita Corrales Lifetime Achievement recognition samtang si Rey Valera kag Odette Quezada naman ang nahatagan sang Levi Celerio Lifetime Achievement Awards.
