ILOILO CITY – Nagaplano ang Samahang Basketbol ng Pilipinas nga kuhaon ang duha ka big men kag most valuable players sa Philippine Basketball Association nga sanday June Mar Fajardo kag Scottie Thompson para sa ikalima nga window sang International Basketball Federation World Cup 2023 Asian Qualifiers sa Nobyembre.
Gin-anunsiyo sang federation nga maga-tap sila sa mga players sang Philippine Basketball Association nagikan sa newly-crowned Philippine Cup champion nga San Miguel Beer, runner-up Talk ‘N Text kag Ginebra sa match sang Gilas Pilipinas batuk sa Jordan kag Saudi Arabia.
Gina-target sang Samahang Basketbol ng Pilipinas sanday CJ Perez, Japeth Aguilar, Arvin Tolentino, Roger Pogoy kag Poy Erram kasunod sang agreement nanday national team head coach Chot Reyes sa management sang tatlo ka mga team sa availability sang mga players.
Ang Gilas squad sa fifth window ang pagabug-usan sang available nga mga players nagikan sa Japan B. League kag pila ka mga players nagikan sa University Athletic Association of the Philippines nga nagpahayag man sang pagsuporta sa national program.
Si Fajardo ang una na nga gin-tap sa August window apang wala naka-upod sa national team bangud sa Philippine Basketball Association Finals.
Sang 2013 ang nagtiglawas na sang pungsod sang 2013 sang nag-qualify ang Pilipinas sa World Cup sa pinakauna nga tion pagkatapos sang 40 ka tuig.
Naghampang man ini sa World Cup sa Espanya sang duha ka beses kag sang nagligad nga tuig sa China.
Samtang, si Thompson naman ang naghampang sang 2019 kag sa third window kaupod sanday Jordan Clarkson kag Kai Sotto.
Iga-anunsiyo sang Samahang Basketbol ng Pilipinas ang iban pa nga myembro sang pool sa tion nga kumpirmado na ang ila availability.
