Ginbasura sang Korte Suprema ang petisyon nga gin-file ni Cassandra Li Ong batok sa nga komite sang Senado kag House of Representatives nga nagapatigayon sang imbestigasyon sang anomailya sa Philippine Offshore Gaming Operators (POGOs).
Base sa desisyon nga pirmado ni Associate Justice Jhosep Lopez nga ginkilala sang Supreme Court (SC) ang gahom sang Kongreso nga magpatigayon sang hearing in aid of legislation.
Si Ong ang may kahilabtanan sa operasyon sang Lucky South 99 sa Porac, Pampanga nga gin-raid sang mga otoridad bangud sa iligal nga operasyon sini.
Ginplastar ni Ong sa iya petisyon ang ginlapas sang Kongreso ang iya Karapatan para para maghipos kag right against self-incrimination.
Gin-akusaran pa sini ang House QuadComm nga gin-abuso ang gahom kag paglapas sa hurisdiction sa pagpatigayon sang imbestigasyon bangud sa ginapilit siya nga maghatag sang impormasyon.
Ginklaro sang SC nga ang legislative power sang Kongreso ang nakabutang sa 1987 Constitution kag wala may Nakita nga paglapas.
Si Ong kag iba pa ang naulamid sa kaso nga qualified human trafficking nga ginpasaka sang Abril.
