ILOILO CITY – Magapatigayon ang MORE Electric and Power Corporation sang scheduled power interruption subong nga weekend, Abril 15 kag 16 sa mga pila ka lugar sa Iloilo City bangud sa maintenance works.
Sa interview sang Bombo Radyo kay Ms. Joy Fantilaga, spokesperson sang MORE Electric and Power Corporation, iya ginpahayag nga apektado sang power interruption ang masunod nga lugar:
Umpisa las 6:30 sa aga tubtob las 5:00 sa hapon sang Abril 15, apektado ang porsyon sang La Paz feeder 1 nga ginabugusan sang Barangay Baldoza, Loboc kag Ingore.
Dugang diri, sa Abril 15 umpisa sa las 6:00 sa aga tubtob las 8:00 sa aga, kag las 4:00 sa hapon tubtob las 6:00 sa gab-i, apektado ang kabugusan nga La Paz Feeders 2, 3, 5, kag 6; kag porsyon sang La Paz Feeder 1 nga ginalakipan sang Baldoza, Loboc, Ingore, Sinikway, Jalandoni Estate, Libertad, Progreso kag Punong.
Nalakip man sa apektado nga lugar sa Abril 15 umpisa sa las 6:00 sang aga tubtob las 2:00 sang hapon amo ang porsyon sang Megaworld Feeder 5 kag bug-os nga barangay sang Hibao-an Norte, kag porsyon sang mga barangay nga ginalakipan sang Abeto Mirasol Taft South, Hibao-an Sur, Oñate De Leon, Pale Benedicto Plaza, Calajunan kag Guzman Jesena.
Samtang, sa Domingo, Abril 16, umpisa sa las 6:00 sa aga tubtob las 6:10 sa gab-i, kag la 1:50 tubtob las 2:00 sang hapon, apektado ang bug-os nga Megaworld Feeder 5.
Kaangot diri, apektado man sa Abril 16, umpisa las 5:00 sa kaagahon tubtob la 1:00 sang hapon ang porsyon sang La Paz Feeder 3, bug-os nga barangay sang Nabitasan, kag porsyon sang Magsaysay Village, San Nicolas, Magdalo, Railway, Luna, Burgos-Mabini-Plaza, Jereos, Laguda kag Bantud.
