Kritikal ang kondisyon sang isa ka guwardya matapos gintiro sang ila nga officer in-charge (OIC) sa ginabantayan nga eskwelahan sa Brgy. Poblacion, Rosario, Cavite.
Ang biktima amo si alyas “Ren”, 57, security guard sang Rosario Institute kag residente sang Novaliches, Quezon City.
Suno sa imbestigasyon, yara sa barracks sang amo nga eskwelahan ang biktima sang nag-abot ang suspek nga si alyas Romeo.
Ginpahayag nga hubog ini.
Suno sa isa ka testigo, sirado na ang gate apang ginpahog siya sang suspek nga buksan ini kun indi niya luyag maulamid.
Didto na nagdiretso ang suspek sa barracks kag gintiro ang biktima sa nawong.
Madasig naman nga nalagyo ang suspek.
Ginpahayag nga may daan na nga hiligut-anon ang duha nga amo ang posible rason sang pagpangluthang.
 sa ginabantayan nga eskwelahan sa Cavite.){kind=link}