Napilasan gid sa ulo ang Officer in Charge sang isa ka eskuwelahan sa Lantapan, Bukidnon matapos ginhampak sang stand sang electric fan sang manunudlo.
Ang insidente natabo sa Balila Elementary School sa Barangay Balila.
Ginpahayag nga nagpangakig ang suspek nga si alyas John matapos nagbisyo ang biometric attendance system kag indi mabasa ang iya nga fingerprint.
Sa sobra nga kaugot, ginpangguba sini ang mga gamit tubtob nga ginhampak ang OIC nga si alyas Rasel.
Nagpinalagyo naman ang iban nga manunudlo bangud sa aktwasyon sang suspek.
Nagresponde naman ang mga pulis kag gin-aresto si alyas John kag napreso na subong.
