Ginpahayag sang Department of Trade and Industry (DTI) nga wala sang pagtaas sang presyo sang mga school supplies apisar pa may mataas nga demand bangud nagahilapit na ang pagbukas sang klase para sa school year 2025-2026.
Suno kay DTI Secretary Ma. Cristina Roque, base ini sa tatlo ka special price monitoring nga ginpatigayon sang ahensya sa nagkalain-lain nga lugar.
Ginpat-od man sang DTI nga wala sang gin-issue nga warning sa mga manugbaligya bangud tanan nagasunod sa price guide sang ahensya.
Samtang, ginpahayag man sang DTI nga wala pa sang ginapaabot nga pagtaas sa presyo sang mga basic goods pareho sang pan kag itlog sa subong nga tion.
Sa pihak nga bahin, may pagsalig man ang pila ka mga manugbaligya sang school supplies nga may igo sila nga stock apisar pa sa padayon nga pagtaas sang demand tubtob sa umpisa sang klase sa mga private schools.
