𝗜𝗟𝗢𝗜𝗟𝗢 — Maga-deploy sang kapin 100 ka mga manunudlo ang Department of Education (DEPED) – Schools Division of Iloilo sa pila ka mga eskwelahan sa probinsya agud nga matatapan ang mga bag-o nga enrollees.
Sa interview sang Bombo Radyo kay Mr. Leonil Salvilla, spokersperson sang Schools Division of Iloilo, iya ginpahayag nga gina-consolidate na sang talatapan ang mga report sang tagsa ka eskwelahan kon pila ang kinahanglanon nga mga manunudlo.
Suno kay Salvilla, gilayon naman sila nga mahatag sang assistance sa mga eskwelahan kon inkaso nga magtaas gidman ang numero sang mga estudyante nga maga-eskwela.
Ginpahayag man sini nga may yara na sang mga contingency plan ang mga manunudlo agud nga matatapan ang mga estudyante.
Nagalaum man ang natungdan nga ang gin-deploy nga kapin 100 ka mga new items nga manunudlo ang makabulig sa pag-address sang pagtaas sang mga enrollees ukon learners.
Ginahulat paman sang talatapan ang data sang mga buluthuan nga may kulang nga mga hulot-klasehan agud nga gilayon nga mapasa sa division kag regional offices kag mahatagan sang pondo.
