ILOILO CITY – Nagpanguna ang Schools Division of Iloilo Province sa may pinakamadamo nga gold medals sa championship game sa ginhiwat nga Inter Division Meet 2023 sa Iloilo Sports Complex.
Sa interview sang Bombo Radyo kay Nick Valenzuela Divisions Sports Officer sang Department of Education Iloilo, iya ginpahayag nga mayoriya sang mga nakakuha sang medalya amo ang elementary school division sang Iloilo nga may yara sang 35 nga gold, 24 nga silver, kag 9 bronze medals.
Suno kay Valenzuela, nakuha naman sang high school level sang division of Iloilo ang 53 nga gold, 34 nga silver, kag 11 nga bronze medals.
Ginpahayag dugang sang natungdan nga wala man nagpaulihi ang Division of Iloilo sa paragames bagud nakuha man sini ang 37 nga gold, 17 nga silver, kag 13 nga mga bronze medals.
Natalana naman nga mag-represent sang Iloilo Delegation ang tagdaog sa mga indvidual sporting events sa palaabuton nga Western Visayas Regional Athletic Association sa Abril 26 asta Abril 30 sa Probinsya sang Aklan.
