Indi anay makahampang ang guard sang Portland Trail Blazers nga si Scoot Henderson matapos siya nakaangkon sang injury sa iya tuo nga hamstring, rason nga posible siya madula sa sulod sang apat tubtob walo ka semana, suno sa opisyal nga pahayag sang team.
Natabo ang injury samtang naga-ensayo siya sa offseason, kabangdanan nga indi siya makaupod sa pag-umpisa sang training camp sang Blazers sa masunod nga semana.
Si Henderson, 21-anyos, ginalauman nga mangin isa sa mga lider sang team sa masunod nga NBA season, ilabi na matapos ang pagsaylo ni Anfernee Simons sa Boston Celtics.
Suno sa record sang nagligad nga season, nakakuha si Henderson sang average nga 12.7 puntos, 5.1 ka assists, kag 3 ka rebounds kada hampang.
