ILOILO CITY – Ginkumpirma sang screen superstar nga si Anne Curtis nga magabalik ini sa acting.
Wala na gindetalye sang aktres kun sa pelikula ini ukon sa teleserye.
Suno kay Anne, nahidlaw na ini sa acting nga ginakabig niya nga passion.
Sang nagligad, gin-anunsiyo niya ang ginahanda-an niya nga action acting project sa idalom sang direktor nga si Erik Matti nga amo man ang nag-direct sang iya acclaimed film nga “BuyBust.”
Si Anne ang una nga naggwa sa isa ka Filipino television series sang 1997 sa edad nga 12 anyos.
Sa subong, si Anne ang kabahin sang isa ka noontime show sa sulod na sang pila ka tuig.
Nag-untat ini sang pila ka tuig matapos nagdala kag nagbun-ag sa iya anak nga si Dahlia Amélie.
