ILOILO CITY – Makabig nga extreme apang pinaka safe nga water sports ang scuba diving.
Sa Good Morning Philippines program, ginpahayag ni Atty. Che Librero sang Reef Wanderers Conservation Advocates Inc., nga ang scuba diving ang indi lamang para sa kalingawan ang scuba diving.
Suno kay Atty. Librero, ang scuba diving ang isa ka sahi sang sport nga nagasentro sa marine safety kag mahimo man nga magamit sa tion sang emerhensya.
Ginpahayag ni Atty. Librero nga antes pa man niya nahiligan ang nasambit nga sport, napilitan lamang siya nga magtuon sini bangud sa iya trabaho.
Antes pa man nangin license scuba diver, ginpahayag sang natungdan nga malawig nga proseso ang iya gin-agyan.
Samtang, suno naman kay Cyndy Sol Rodrigo sang nasambit nga non-profit organization, ang ila nga grupo ang nag-umpisa sa pag-abyanay tubtub nga nakatukod sila sang organisasyon.
Suno kay Rodrigo, antes pa man mangin licensed scuba diver, kinahanglan anay nga magpaidalom sa seminar kag pool sessions tubtub open water sessions.
Ginpahayag ni Rodrigo nga magluwas sa kalingawan, ang scuba diving ang nakabulig man sa iya agud nga maka-angkon sang madamo nga kilala kag abyan.
