Opisyal na nga magabukas subong nga adlaw Disyembre 9, ang 33rd edition 2025 Southeast Asian Games sa pungsod Thailand kag magalawig tubtob Disyembre 20, 2025.
Pagasakupan ini sang ginabulubanta masobra 1, 600 ka mga delegado nagikan diri sa Pilipinas lakip ang mga atleta kag coaches kun sa diin ginakonsiderar nga amo ang pinakamadamo nga mga delegates sa kasaysayan sang biennial meet.
Magadala naman sang mga kilala kag mga mabaskog atleta ang Pilipinas sa nagkalain-lain nga sporting events kaangay na lang sang team sang Gilas Pilipinas Men, sa weightlifting nga pagapangunahan ni Hidilyn Diaz, sa Boxing, Alas Pilipinas Men (Volleyball), Alas Pilipinas Women, sa Athletics, Esports, Swimming, Wushu, Triathlon, Tennis, Taekwondo, Gymnastics, Fencing kag Rowing.
Sa opening ceremony, pagpangunahan ini nanday Alex Eala kag Bryan Bagunas nga magaserbe bilang flag bearers sang Pilipinas.
Padayon ang handum sang Pilipinas nga madala liwat sa medal standings ang pungsod kag nagalaum ang tanan nga mas mangin mapag-on pa gid ang presensya sang Pilipinas sa international sports competition.
