Ginpatigayon sa Tagaytay City ang Philippine leg sang torch relay para sa pag-host sang Cambodia sa 32nd Southeast Asian (SEA) Games.
Halin kay Cambodian Tourism Minister Hor Sarun padulong kay Cambodian Ambassador to the Philippines Phan Peuv, ginpasa ang torch kay Philippine Olympic Committee President Abraham “Bambol” Tolentino.
Ini ang una nga bes nga maga-host ang Cambodia sang SEA Games. Suno kay Tolentino, ginahatagan sang balor sang Pilipinas ang selebrasyon nga ini indi lamang para sa sports kundi para sa peace and camaraderie sa rehiyon.
Sa amo nga torch relay, ang nagdala sang torch amo ang mga atleta sa cycling, taekwondo, football, kickboxing kag boxing nga upod man sa pila ka opisyal sang sports associations sa Pilipinas.
Patigayunon ang 32nd SEA Games sa Cambodia sa Mayo 5-17. Magapadala ang Pilipinas sang 840 athletes nga maga-compete sa 608 events sa 38 sports.
Nag-umpisa ang Torch Relay sa Cambodia sang nagligad nga semana, ginpasa sa Vietnam, kag ginpasa sa Pilipinas.
Ang magasunod sa relay amo ang Brunei, Timor Leste, Malaysia, Singapore, Thailand, Myanmar kag Laos before antes magbalik sa Cambodia sa Abril 27. ##
