Napirmahan na sa Iloilo City Police Station 2 ang mga dokumento agud nga matigayon na nga mapasakaan sang kaso nga adultery ang asawa sang Civil Engineer kag other man sini nga nagsulod sa isa ka lodging house sa La Paz, Iloilo City kahapon nga adlaw, Pebrero 27.
Sa interview sang Bombo Radyo kay PCapt. Gimel Acuesta, hepe sang Iloilo City Police Station 2, iya ginpahayag nga nagbinutig pa ang seaman nga single ini apisar nga kasado man ini sang 12 na ka tuig sa iya asawa kag ginapahayag nga may anak naman ini.
Nahibaluan nga una na nga nagpahayag ang seaman nga ginhinago sa pangalan nga ”alyas Jun” nga wala siya makahibalo nga kasado si alyas Lin.
Kaina lamang sang aga, may nagpakilala sa Iloilo City Police Station 2 bilang asawa ni alyas Jun.
Sa karon, nagaproseso naman ang seaman nga mapyansa ini sa kaso nga ginpasaka batok sa iya.
Nahibaluan nga pursigido gid ang Civil Engineer nga bana sang online teacher nga magpasaka sang kaso.
