ILOILO CITY – Gintapos na sang National Disaster Risk Reduction and Management Council (NDRRMC) ang search and rescue operation sa mga biktima sang landslide sa Abuyog, Leyte.
Ang operasyon ang gin-untat na bangud sang manubo nga tyansa sang survival.
Suno sa analysis sang Mines and Geosciences Bureau (MGB), na-expose sa mataas nga risgo ang mga rescuers.
Santo sa report, ginbanta nga 100 pa ang nagapabilin nga missing sa lugar, isa ka semana matapos ang natabo nga landslide.
Suno kay NDRRMC spokesperson Mark Timbal, posible nga matiphag ang lupa kag dako ang posibilidad nga magtuga sang landslide.
May mga reports suno sa iya nga may napanimahuan pa nga mga lawas sa lugar.
Ang search and rescue operation sa Barangay Bunga kag Mailhi ang ginpa-untat naman.
Samtang, magapadayon naman ang search and rescue sang Baybay City government sa Barangay Kantagnos kun sa diin, 60 pa ka tawo ang missing.
Gindeklarar man ang lugar nga indi mahimo nga ma-istaran.
Magapatigayon naman sang assessment sang proposed relocation sites ang NDRRMC sa Kambongan, Bubon kag Maganahan suno kay Timbal.
