Nagpadala na ang otoridad sang search and rescue team sa Mount Kalatungan sa Bukidnon nga ginakabig nga possible nga crash site sang missing nga FA-50 lead-in trainer fighter aircraft sang Philippine Air Force.
Suno kay Lieutenant General Luis Rex Bergante, commander sang Armed Forces of the Philippines Eastern Mindanao Command, gin-base ang deployment sa available assessments nga nagatudlo sa amo nga area bilang probable crash site.
Matandaan nga nadula ang FA-50 aircraft sa isa ka tactical night operation kahapon sang kaagahon.
Suno kay PAF spokesperson Col. Ma. Consuelo Castillo, ang aircraft naga-provide sang suporta sa ground troops sang nadulaan ini sang komunikasyon sa aircraft nga involved sa mission pila ka minutos antes makalab-ot sa area.
Duha ka mga piloto ang sakay sa missing FA-50 aircraft.
Wala gintuad ang target area, apang ginkumpirma sang 4th Infantry Division sang Philippine Army nga nagpatigayon ang tropa sang operasyon batok sa mga myembro sang New People’s Army (NPA) sa Barangay Iba sa Cabanglasan, Bukidnon, kun sa diin nag-request man sila sang air support halin sa air assets.
Humalin sang nadula ang aircraft, sige- sige naman ang PAF sa pagpatigayon sang extensive search operations gamit ang mga helicopters.
May yara man sang ground rescuers nga naga-track sang lokasyon sang mga piloto base sa signals nga ginapagwa sang ila personal locator device.
