STO. NIÑO NORTE AREVALO– Ginpauntat ang search and retrieval operations sa ginapahayag lawas sang bata nga nalumos sa Sto. Niño Norte Arevalo Iloilo City bangud man sa dalagko nga mga balod.
Sa interview sang Bombo Radyo kay Alyas Christian, iya ginpahayag nga nagapaligo siya sa baybay kaupod ang duha pa niya ka mga kaupdanan sang gulpi lang siya may nahikapan ang nagahabok nga butkon kag siko sang isa ka bata.
Suno kay Alyas Christian,wala na niya na alsa ang ginapahayag bata nga nalumos bangud man sa kakulba nga iya nabatyagan.
Gilayun man niya ginbuy-an ang bata kag nagtakas kag ginsugo ang iya mga upod nga magpangayo sang bulig.
Samtang sa interview sang Bombo Radyo kay Alyas Renzel nga isa man sa mga rescuers, dalagko ang balod kag indi na nila makita pa ang ginapahayag lawas sang bata nga nalumos.
Dugang pa niya nga ginapahayag pito tubtob walo ka tuig ang edad sang nalumos nga bata.
24 oras naman suno sa natungdan antes maglutaw ang lawas sang isa ka tawo nga nalumos.
