ILOILO CITY – Nagpangayo sang pasaylo si National Task Force Against COVID-19 Chief Implementer Sec. Carlito Galvez Jr. tuhoy sa pagpapauli sa linibo nga mga Overseas Filipino Workers apisar nga wala sang proper coordination.
Sa pagbisita ni Sec. Galvez sa Iloilo, ginpahayag niya nga ginpadali ang repatriation bangud nga may yara sang ultimatum si Presidente Rodrigo Duterte.
Suno kay Sec. Galvez, nagapati lamang ang Task Force sa mandu sang Presidente nga kinahanglan makapauli gilayon ang ginabanta masobra sa 43,000 nga Overseas Filipino Workers.
Sa pagkamatuod suno kay Sec. Galvez, naglab-ot sa 1,222 ka Overseas Filipino Workers ang nagpositibo sa Polymerase Chain Reaction (PCR) test.
Kadungan sang pagsinapol, nahatagan man ang tagsa ka Local Chief Executive sa Western Visayas nga makapamangkot sa Tiglikom ilabi na ang tuhoy sa angkas sa motorsklo kag ang tuhoy sa pagpapauli sa Locally Stranded Individuals.
