SEC main office, temporaryo nga masirado bangud sa pagpositibo sang duha ka mga empleyado sa COVID-19 rapid test

Temporaryo nga masirado ang main office sang Securities and Exchange Commission (SEC) sa Pasay City matapos nga nag positibo sa Coronavirus Disease 2019 (COVID-19) rapid test ang duha ka mga empleyado.

Suno sa Securities and Exchange Commission, magapabilin nga sirado ang opisina umpisa bwas nga adlaw Hunyo 26 tubtob Hunyo 30.

Duha ka mga empleyado kag duha man ka mga outsourced personnel ang nagpositibo sa rapid test kag subong naka quarantine na.

Bangud sini, ipa-idalom sila sa confirmatory tests.

Nahibaluan nga wala sang history of travel sa guwa sang pungsod ang mga empleyado kag wala man sang exposure sa COVID-19 positive.