Nagalaom si Cabinet Sec. Karlo Nograles nga sa tuig 2030 malab-ot na ang “zero hunger” sa Pilipinas.
Sa interview sang Bombo Radyo kay Sec. Nograles, nga amo ang nagapanguna sa National Food Policy, iya ginpahayag nga ang tuig 2030 amo ang commitment sang Pilipinas sa United Nations.
Suno sa cabinet secretary, sa paglunsyar sang national food policy, katuyuan sini nga matutukan ang mga problema sa kagutuman agud nga ma hagan-hagan kag dalayon na nga mangin “zero hunger” ang pungsod.
Kinahanglan nga accessible ang pagkaon sa tanan nga mga tawo sa Pilipinas ilabi na sa mga pigado.
Ang National Food Policy ang ginlunsyar sang Oktubre 16, 2020 kadungan sang World Food Day (WFD) celebration.
Samtang ginasiguro naman ni Nograles nga direkta nga magabakal ang gobyerno sang mga binhi kag palay sa mga mangunguma.
Ini ang pamaagi agud nga indi na mag-agi pa sa middle man kag traders ang gobyerno agud nga ang tanan nga kita ang madiretso na sa mga mangunguma.
