Ginaduso sa Kamara nga busision gid sang maayo ang budget ni Vice President Sara Duterte nga nakapain para sa iya seguridad.
Ginpahayag ini ni Manila Rep. Joel Chua matapos nga ginkumpirma sang Armed Forces of the Philippines (AFP) nga 400 sa ila personnel ang naka-assign nga protektahan si Sara.
Matandaan nga ginlaslasan sang bise-presidente ang Philippine National Police (PNP) bangud sa pagkakas sang 75 personnel halin sa iya security detail apang sa iya open letter nga gin-post sa social media kag sa mga interview sini, wala sini na-mensyonar nga may 400 pa ka mga myembro sang militar nga amo ang may trabaho nga siguruhon ang iya safety kag seguridad amo man ang iya sang iya nga immediate family.
Suno naman kay Chua, sobra-sobra ang ginagasto sang gobyerno para lang sa isa ka pamilya.
“We are spending too much for the security of one family…Dapat tingnan din natin kung saan talaga napupunta yung budget dahil ito ay pera ng taong bayan,” pahayag sini sa isa ka news forum.
Dapat nga lantawon sang mayo suno sa iya kun sa diin makadto ang budget bangud bastante na gani ang 100 ka soldado para nga masiguro nga safe si Duterte, ang iya bana, kag kabataan.
“Para sa isang pamilya gaano karaming security po ba ang kailangan? Dapat tingnan din po natin kung sapat… Wala namang masama basta majujustify nila yung pondo nila… Hindi naman tayo para mang-ipit ng tao. Ang gusto lang natin ma-justify. Baka mamaya totoo din naman [na kulang] so at least malaman natin. So tayo naman tinitingnan lang natin yung mga merit ng kaniyang sagot,” dugang sini.
Matandaan nga sang nagligad lamang nga semana, nagpasalamat si Duterte sa iya mga kaalyado kag supporters nga nag-volunteer nga mangin kabahin sang iya nga security team kasunod sang pag-recall sa 75 ka mga pulis nga naka-assign sa iya.
Una naman nga ginpahayag ni Chua nga ang mga pabati-bati ni Sara sa administrasyon ang posible nga isa lang ka paagi agud nga maliso ang atensyon sang publiko kag malipatan nga nagpa-Germany ang bise-presidente kadungan sang paglaslas ni Bagyo Carina sa pila ka parte sang Pilipinas.
