ILOILO CITY – Gilayon nga nangayo sang bulig ang nobya sang security guard sang wala na nagaginhawa ang iya nga nobyo samtang nagakatulog.
Ang biktima amo si Stanley Olano, 34 anyos, tumandok sang Roxas City apang temporaryo nga nagatinir sa isa ka boarding house sa Taft North Mandurriao, Iloilo City kag isa ka security guard.
Nasapwan na lamang nga wala na sang kabuhi si Olano samtang nagakaya sa katre nga double deck kag nakasuksok sang boxer shorts.
Sa interview sang Bombo Radyo kay alyas Mila, anak sang tag-iya sang boarding house, santu sa panaysayon sang nobya sang biktima, ginapahayag nahupa si Olano bangud nabatian niya nga daw kaangay nga naga ugayong ang biktima.
Gintinguhaan pa sang nobya nga pukawon ang biktima apang wala na ini nakabugtaw pa.
Ginapahayag nga sang Agosto 13 lamang nagkilalahay si Olano kag ang iya nobya sa diin ginapasuni nga kahapon lamang sila nagkitaay sang biktima.
