Posible magapangutabang sang kaso ang isa ka security guard nga ginaalegar nanaya sang armas-luthang matapos nga ginsukot ini sang iya ka-transaksyon nga babaye sa La Paz, Iloilo City.
Ang biktima/tag-reklamo amo si alyas Nene, 21 anyos kag residente sang Sta. Barbara Iloilo, samtang ang suspetsado naman amu si Alyas Toto, 31 anyos kag residente sang Pototan, Iloilo.
Sa interview sang Bombo Radyo kay Police Major Tranquillino Querubin Jr.,hepe sang Iloilo City Police Station 2, iya gin pahayag nga nagpadulong ang duha sa isa ka lodging house sa Lapaz (Anita) sang naglisensya ang suspetsado nga magwa ini kay may baklon, apang indi kumbinsido ang babayi kag nag upod ini sa iya sakay sang motorsiklo.
Sang naglab-ot na sila sa Baldoza, La Paz, nanukot ang babayi apang wala siya ginbayaran kag ginkuga sang suspetsado, rason nga natumba ini.
May nadagdag naman nga armas halin sa lalaki kag gin tayaan ang biktima.
Malagyo pa kuntani ang suspetsado, apang ginharangan ini sang biktima kag ginkuha ang yabi sang motorsiklo sini kag gilayon man nagpalagyo agud nga mangayo sang bulig sa tanod.
Sa karon padayon nga ginapangita ang nasambit nga suspetsado kun sa diin, nakit-an man ang iya ID sa iya motor.
Posible naman magapangatubang sang kaso gga grave threat ang suspetsado kag desido man nga magpasaka sang kaso ang biktima.
Apang suno kay Alyas Nene, knn mabayaran siya bisan katunga lang mapa-areglo man ini.
