Security guard nga naghingyo mag-day off, gintiro sang iya superior

Natiruhan ang isa ka gwardya matapos nga naghingyo ini nga mag-day-off.

Ang biktima amo si alyas “Ton”, 30-anyos kag reliever security guard.

Ang suspek naman amo si alyas “Sammy”, 56-anyos nga amo ang officer-in-charge (OIC) security guard.

Natabo ang insidente sa Brgy. San Miguel, Sto. Tomas, Batangas.

Base sa imbestigasyon, sang naghingyo ang biktima nga mag-day off, ginhambalan ini sang suspek nga sundon ang schedule sang duty.

Nangakig ang biktima kag nagkuha sang binangon kag ginhangkat sang inaway ang iya superior.

Wala nagbato ang OIC kag ginhambalan ang biktima nga maghalin na lang agud malikawan nga maglala ang gamo.

Sang naglakat ang biktima, may ginhaboy ini nga matig-a nga bagay sa iya superior gani napilitan ang suspek nga tiruhon ini gamit ang shotgun.

Gindala sa ospital ang biktima samtang gin-aresto naman ang suspek nga mangatubang sang panumbungon nga frustrated homicide.