Nadula kag ginapatihan nga ginkawat ang security plan para sa Paris 2024 Olympics.
Suno sa Paris prosecutor’s office, nadula sang City Hall Engineer ang bag nga nagaunod sang computer kag duha ka memory sticks nga amo ang may data sa seguridad nga kinahanglan para sa Olympiada sa France.
Natabo ini sa Gare du Nord railway station sa Paris sang nagligad nga Pebrero 26.
Gintugyan na sa pulis ang imbestigasyon kasunod sang amo nga insidente.
Ginklaro man sang opisina nga ang professional USB memory stick ang nagaunod lamang sang notes nga naangot sa traffic sa Paris kadungan sang Olympic Games, apang wala man didto nakabutang ang sensitive security plans.
Balantayan ang Paris Olympics sa Hulyo 26 tubtub sa Agusto 11. Ginalauman nga 30,000 nga mga myembro sang pulis ang ipadala kadungan sang hinampang kun sa diin 300,000 ang ginalauman naman nga magatambong sa opening ceremony sa River Seine.
