Security preps sa ASEAN ministerial meeting sa Iloilo, ginatutukan

ILOILO CITY – Gina-preparahan na siyang siyudad sang Iloilo ang seguridad sa hiwaton nga ministerial meeting sang 50th Association of Southeast Asian Nations (ASEAN) sa masunod nga semana.
Partikular nga tutukan ang seguridad sang mga delegado nga magatambong sa nasambit nga pagtililipon.
Sa interview sang Bombo Radyo Iloilo, ginpahayag ni Police Regional Office 6 spokesman Supt. Gilbert Gurero nga 300-500 delegates ang ginalauman nga mag-abot sa Iloilo.
Upod sang ASEAN delegates ang ila mga asawa nga magapatigayon man sang aktibidad sa Iloilo.
Ginpasiguro sang Police Regional Office 6 ang pag-deploy sang nagakaigo nga puwersa sang pulis sa ASEAN meeting.
Hiwaton ang ASEAN meeting sa Iloilo Convention Center.