Sa bisperas sang national and local elections, nagpahanumdom si Msgr. Meliton Oso, director sang Jaro Archdiocesan Social Action Center, sa mga botante nga magpamati sa konsensya kag panumduman gid sang maayo kun sin-o ang pilion nga kandidato.
Sa interview sang Bombo Radyo kay Oso kasunod sang Holy Mass sa Jaro Metropolitan Cathedral, ginpahayag sini nga dapat nga ilugon ang ginhimo sang cardinal electors sang ginpili si Pope Leo XIV sang nagligad nga adlaw bilang bag-o nga lider sang Simbahang Katolika.
Suno kay Oso, nagtipon ang mga cardinal, nag-discern, nag-assess, nagpangita sang common good, kag nagpamati gid sa Espiritu Santo.
Dugang pa ni Oso nga amo man ang Iloilo Chairman sang Parish Pastoral Council for Responsible Voting, dapat nga indi gid magbaligya ang mga pumuluyo sang ila nga mga boto.
Apang pananglitan nga nakabaton na suno kay Oso, dapat nga magbawi kag magpamati sa konsensya antes magkadto sa polling center agud nga magboto.
“Nag-timing gid nga ginasaulog naton ang Good Shepherd Sunday. Ang Shepherd, [sandig] sa Bibliya, ginagamit sa tanan nga lider — sa simbahan man o sa public service. Gani buwas, kun magkadto kita sa mga presinto, magapili kita sang aton nga Shepherd. Kabay nga ilugon naton ang mga Cardinal nga nag-discern, nag-assess, nagpangita sang common good. Please do that,” pahayag ni Oso.
