ILOILO CITY – Ginaplantsa na ang seguridad sa natalana nga pagpadulong ni Presidente Rodrigo Duterte sa haya sang Ilongga OFW nga ginpatay sang iya amo sa Kuwait.
Ginpahayag sa Bombo Radyo Iloilo ni Police Regional Office 6 (PRO6) spokesman Supt. Gilbert Gorero nga nagpakig-angot na sa ila ang Presidential Management Staff (PMS) kag Presidential Security Group (PSG) para sa pagpadulong ni Presidente Rodrigo Duterte sa Barangay Ferraris, Sara, Iloilo kun sa diin nahaya ang bangkay ni Joanna Daniela Demafelis.
Apang ginpahayag ni Gorero nga wala pa sang eksakto nga petsa nga ginhatag ang PMS kun san-o magapadulong sa Sara, Iloilo ang presidente.
Ginakonsiderar ang suno kay Gorero ang Pebrero 21 ukon 22.
Samtang nagadagsa gihapon ang mga nagapakig-unong.
Nag-abot naman ang mga opisyal sang Department of Social Welfare and Development Region 6para maghatag sang bulig sa pamilya Demafelis.