ILOILO CITY – Nakahanda na ang probinsiya sang Guimaras sa pagbisita sang ASEAN delegates sa maabot nga Abril 17-19, bilang kabahin sang bag-o nga hugnat sang pag-host sang siyudad sang Iloilo sa nasambit nga meeting.
Sa interview sang Bombo Radyo Iloilo kay Guimaras Vice Governor John Edward Gando, ginpahayag sini nga madugay na nila ginhandaan ang kaangay nga event.
Mangin espesyal naman para sa parobinsiya ang pag-abi-abi sa mga katapo sang Anti-Poverty Commission upod ang mga delegado nagikan sa 10 ka mga pungsod nga miyembro sang ASEAN, ilabi na nga mataas ang numero sang mga pigado sa banwa sang Nueva Valencia, santo sa data sang Anti-Poverty Commission.
Nadungan naman ini sa paghiwat sang Guimaras sang Manggahan Festival kun sa diin bida ang pinakatam-is nga paho sa kalibutan.
Apang sa karon ginahulat pa sang Guimaras provincial government ang pormal nga komunikasyon para sa nasambit nga event.