LEGANES, ILOILO – Madamo sang food trends ang naimbento subong nga quarantine period kag isa na diri ang Lockdown burger sang pamilya Escopel sang Leganes, Iloilo.
Sa Good Morning Philippines program, ginpahayag ni Kevin Escopel, isa sa mga founder sang Lockdown burger, nga ang nasambit nga food trend ang inisyatibo nila nga mag-utod para ma solbar ang ‘craving’ sang customer ilabi na nga sirado ang kalabanan nga negosyo subong nga quarantine period.
Suno kay Escopel, wala niya ginhuna-huna nga maluyagan sang ila customer ang Lockdown burger tubtub nga sa kada semana, nagadoble ang numero sang mga naga order.
Ginpahayag ni Escopel nga daku nga factor sa manamit nga burger amo ang manami nga bun, patty, preska nga raw ingredients, sauce kag mas makapaayo man kun may yara sang ibutang nga secret ingredients.
Magluwas sa burger buns, patty kag sauce, kabahin sang ingridients sang Lockdown burger amo ang pipino, kamatis, lettuce, caramelized onions cheddar cheeze kag may yara man sang sekreto nga ingridients nga nagahatag sang pinasahi nga sabor sa nasambit nga burger.
Agud nga wala sang usik suno sa natungdan, kinahanglan anay nga magpa book sang order paagi sa pag contact sa 09563610949.
