Iloilo City – Nagapadayon ang sektor sang edukasyon sa pag-obra sang pamaagi agud matudluan ang mga estudyante apisar sang pagpanghangkat tuga sang pandemya.
Ini ang nangin madinalag on bangud sa pagpakabakod kag determinasyon sang mga estudyante para padayunon ang ila pagtuon.
Sa interview sang Bombo Radyo kay Dr. Joselito Villaruz, Presidente sang West Visayas State University, iya ginpahayag nga apisar nga ginbutang ang kabuhi sa ital ital, ini ang naghatag kahigayunan agud magsarig kag magtuo nga may paglaum sa ulihi.
Ginpasidunggan man ni Villaruz ang tanan nga academic leaders kag healthcare providers sa ila pagpursige kag kabaskog agud malampuwasan ang tanan nga pagtilaw.
Nagpasiguro man si Villaruz nga magabalik na ang full face-to-face classes, apang, mangin mainandamon guihapon ini sa pagpamahog sang COVID 19.
