Opisyal na nga mag-asawa sanday singer-actress Selena Gomez kag record producer Benny Blanco matapos ang pila ka tuig nga pag-updanay.
Sa isa ka Instagram post ni Selena nga may caption nga “🤍 9.27.25 🤍,” ginpakigbahin niya ang ila wedding photos kun sa diin makita nga naka-white wedding gown ini samtang naka-black tuxedo naman si Benny.
Una nga nagkilalahay ang duha sang tuig 2015 sang nangin co-producer si Benny sang hit single ni Selena nga “Same Old Love,” nga nangin umpisa naman sang ila padayon nga collaboration.
Sa isa ka pahayag, ginpakigbahin ni Selena kun paano nahulog ang iya buot kay Benny, nga gintawag pa niya ini nga “best friend.”
Matandaan nga gin-anunsyo sang duha ang ila relasyon sa publiko sang nagligad nga tuig kadungan sang engagement announcement sa Instagram.
