Nagakadapat nga hatagan sang importansya sang tagsa-tagsa ang ginatawag nga ‘self care’ ukon pagtatap sa kaugalingon bisan ano pa ang edad sini.
Sa interview sang Bombo Radyo kay Francis Ray Subong, registered guidance counselor, iya ginpahayag nga nagakadapat mahangpan sang tanan nga wala sang nagadugay sa kalibutan kag kalakip na diri ang edad, mapino nga panit, kag duag sang buhok.
Suno kay Subong, nagakadapat nga mangin kabahin na sang routine sang isa ka indibidwal ang pagtatap sa iya kaugalingon kag pagpahuway sa tion sang pahuway agud maka-function sang maayo samtang naga-edad.
‘Acceptance’ man suno sa iya ang isa sa liyabe agud malikawan sang isa ka indibidwal ang pagkumpara sang kaugalingon sa iban.
