ILOILO CITY – Ginhangkat ni Iloilo City Mayor Jerry Treñas sang debate ang anay Ilonggo activist kag subong self-confessed former rebel nga si Jeffrey Celis.
Ini matapos ginpahayag sang alkalde nga ginpabati-batian siya ni Celis may kaangtanan sa indi pagpasugot sang alkalde sa ila rally nga pasakupan kuntani sang kapin isa ka libo nga tawo.
Suno kay Treñas, naga-init gid ang ulo niya kun pabati-batian siya sang mga “istorya nga libagon”.
Ginpaathag man sang alkalde nga indi makapinagusto sang mass gathering ang syudad bangud yara ang Iloilo City sa General Community Quarantine (GCQ) classification.
Bangud may yara sang pagsulundan, sundon gid ini suno sa alkalde.
Suno sa natungdan nga nasubuan gid siya bangud may mga tawo nga indi gihapon makahangop sa nagakatabo sa kalibutan kag ginasupukan man sang iban.
Dugang pa sang alkalde nga wala siya nakulbaan kay Celis kag kuntani indi na ini magsinamok sa syudad kay maayo na ang dalagan sini.
